✍🏻 مليون محجور
شعر: ماهر أحمد العنسي
🌷🌷🌷🌷🌷
يقول قلبي يمكن الخل معذور
أكيد له عذر يمنعه من وداعي
يمكن تعجل بالسفر كان مجبور
أو كان يخشى دمعتي والتياعي
بكره يعاود أو يرسل بمنشور
يطلب سماحي واشتياقه سماعي
فقلت يا قلب أنت غاوي ومسحور
ثلاث سنين والرابعه له مراعي
وكل يوم من قبل ما يطلع النور
تحمل بريدي كل يوم يد ساعي
كم يارسايل صغتها وأنت
مقهور
بكت عليها طول ليلي يراعي
ما جاك رده كل يوم وانت مكسور
ماهو بصبرك أو بكثر المساعي
يا قلب عندك عند جاهل ومغرور
يكفي عنادك ﻻ توجه شراعي
خليني أرتاح عشت ظامي ومفطور
صحرا حبيبك ما لها من مراعي
خلاص قلبي ذا الحبيب صار محظور
وذي المحبه مالها أي داعي
آخر كلامي وانت مليون محجور
تزيد تلوي في غرامه ذراعي
🌷🌷🌷🌷🌷🌷
ماهر أحمد العنسي
ليست هناك تعليقات:
إرسال تعليق