مشاركتي في سجال الروائع للشعر الشعبي بعنوان:
ً *جود بالشفاء*
لو جـارت الأحـزان واليأس عنــوان
خلي الأمــل بــالله قــايد صفوفــك
لو هدّ جيش الهمّ حصنك والاركان
أطــرد جيــوشــه لا توريـه خوفــك
وابذر حبوب الصبر والقلب بستــان
من بعد باتجني محاصيل قطوفــك
لـو ابتــلاك الـوقت بـــاعزّ إنســــان
في الابتلاء خليك ثــابت وقوفــك
إلجـأ لـربك مــن تـرجـاه مــا هـــان
ومُـــدّ للــرحمـــن داعــي كفـوفــك
ارضى بحكـم الله لــو كان مـا كان
هـو يعرف آلامك ودايـم يشوفـــك
الله يشفي الغـاليـة نــور الاعيـــان
الله يجعلهـــا تســـانــد كتــوفــــك
وانا معك مابفرقك طول الازمـــان
وانــا الحبيب اللي أبد مـا يعوفــك
انــا معك وابذل لك الروح مجـــان
كمـا ظروفي يالغـلا مـن ظروفـــك
ست الحبايب لجلها ترخص اثمـان
رهــن الإشارة رهن لفظة حروفـك
يـارب انـا بـادعيك وارسل بها الآن
وبـاسماءك اتوسل وكامل وصوفك
جود بالشفا يامستجيب كل إنسان
لك المشيـئة رب واحنــا ضيــوفك
الشاعر أحمد مسعود
2021/6/17
ليست هناك تعليقات:
إرسال تعليق