( فريد المحاسن )
خطرمن أمامي المليح خطر
شفت الحلا ياناس بعيونه
رقيق الخصر ساني القوام
يمشي بخطوات موزونه
شم العطر منها صنع باريس
وعاد البخور ماطفي داخونه
والصدر ياصاح حان الجنى
ثمار يانع تفاحه وزيتونه
سن الرابعة عشر تعدى
آه ليت بالحجاب مايغطونه
شمس الضحى منها خجلا
وضوء القمر اختفى دونه
سواد الليل توارى في جعده
والرمش سحر في حركته وسكونه
قمر على وجه الارض يمشي
خوفي من العيون لا يصوبونه
ربنا صب فيها الحسن صب
قوافي الشعر ماظن يكفونه
حين شفتها سبٍّحت وكبرت
والهاجس حينها دقت لحونه
والفكر شارد فيها ويسأل
بكم هذا الدلال يبعونه
غصين البان في طوله
يستاهل صافي العسل يسقونه
كامل مكمل في تواصيفه
سبحان ربي متقن فنونه
يجلي قلوب بالهم مصطابه
ويسلي كل نفس محزونه
فريد المحاسن يجبر الخاطر
كله حلا في حلا مزيونه
ياويل حالي من ذي الفاتنه
ماني حجر لو ذبت كلي ليونه
وابوي من ذا الحلا وابوي
حلا من مقدمه حتى جفونه
أسرني والله جمال محياها
وصارت النفس بعدها مفتونه
وقفت مكاني حاير فيه اتفكر
غزال في الديرة يربونه
حتي توارت من أمامي وختفت
ماهميت من يشوفني اويشوفونه
ان كانت هي ليلى العامريه
فانا كقيس قد جن جنونه
ماهميت لو صرت أنا ضحية
قاتلت (ابن الشريف) سمونه
أبلغوها أنني قتيل هواها
لعلها ترثي لروحي المدفونه
لاتطلبوا منها بثأري مسموح
خلوا سبيله تكفون خلونه
شرع الهوى مافيش له أحكام
وانا مؤمن ياهل الهوى بقانونه
بالقرآن والاذكار يارب حوطها
ومن عين الحسد اجعلها مصيونه
والختم صلاتي على العدنان
عدد ماسال سيل وهلت مزونه
مخاوي الذيب
عبدالهادي الشريف
ليست هناك تعليقات:
إرسال تعليق