(رفيق الدرب)
الشاعر/طالب العثماني
صاحبي كنت احسبه وفي ومنبع الطيب والجوهر
كنت احسبه خويي وذخري من الزمن لوجار
كنت احسبه رفيق الدرب وسراج الليل اذا غدر
اذا ضاقت عليً الدنيا،يلعب اصعب الادوار
كنت أحسبه سند لوطحت عن ساعده شمر
وجاني في الحال اسرع من البرق والاعصار
سويت له مكانه على عرش العز يتباهى ويتآمر
وشكيت له همي وله كم بحت، بالاسرار
انخدعت في صاحبي كان بثوب الطيب يتنكر
واتضح اني كنت مخاوي الثعلب المكار
استغل طيبتي وذمني وياما تكلم عليً واتمسخر
ويتباهى بأفعاله وظن انه اشطر الشطار
خدعني باتصنع الطيبه وانخدعت بكلامه السكر
ونسيت عيوبه وافعاله وتجاهلت طبعه الغدار
قلت بايفهم عسى مع الوقت صاحبي يتغير
يلعب على المكشوف وعاد عنده طموحات وافكار
وان جيت له انصح زعل وكأني ارتكبت منكر
صيح وليح ورجع لي. كأنه عمر المختار
وبداء يسرد اعذار وعذر الكذب كم زور
وكم اعذار . كذابه شبعنا من الكذب والاعذار
ولاكن صاحبي مافهم تاجر بطيبتي واستثمر
وطبق. المقوله جمل يعصر وجمل يأكل العصار
صاحبي ماتغير ولاتعبر ولا انتهاء من منكر
بس حسبي الله شاهد على كل خاين وغدار
12/8/2020
ليست هناك تعليقات:
إرسال تعليق