درب الســلامة
درب الســلامة يافــــؤادي وروحي
في حفظ ربي يامليــك الوســامة
والله مـا حققـت كـامـل طمـوحي
بل انـي اشعــر يالـغـلا بالنــدامة
شكراً جزيلاً.. واغفري لي وضوحي
ياروح روحـي أنــت ياضبـي رامـه
أنـا عشقـت ايـام وآنــا بـ روحـي
والقلـب عـاده خـام بين انتعــامه
واليوم اشوف الحزن يملي صروحي
والقلـب يملك في الـمـآسي إقـامة
دامك عزمت على النّوى والنزوحي
والراي رايـك في الـبِـدَا والختـامه
ويش عاد ينفع بعد ذا اليوم بوحي
ويش عاد بيفيـد السميني كـلامه
درب الســلامة يا مسبـب جروحي
الله معـك يـازيـن درب الســلامة
معمر السميني
ليست هناك تعليقات:
إرسال تعليق